OHIKO AKATSAK

Aipatuko ditugu gaur egun egiten ditugun huts nabarmenak:

1.-Gaztelaniak eraginda, askotan zailera jotzen dugu, Errazera jo beharrean.

Maiztasun gehiagorekin jokatu behar dugu (tenemos que jugar con más frecuencia)

Sarriago jokatu behar dugu.

2.-“Bat” gehiegitan erabiltzen dugu. Euskaraz, “bat” numeral hutsa da.

Isiltasun bat zegoen… Isiltasuna zen.

Haize gogor bat dabil Haize gogorra dabil.

3.-“Bere” gaztelaniaz baino gutxiago erabiltzen da euskaraz.

Pepek bere zigarroa erre zuen eta… (Pepe se fumó su cigarrillo y se acostó)

Pepek zigarroa erre eta ohera joan zen.

4.-Berri /zahar. Euskaraz, “berri” eta “zahar” kontrakoak dira.

Barriolak tanto berri bat egin du

Barriolak beste tanto bat egin du.

BESTE huts nabarmenak (2):

-Nahastu egiten ditugu asko eta handia.

Bero asko egiten du. Bero handia egiten du.

Sagar asko eta handiak daude sagardian.

-Kontuz bezalarekin.

Artzain bezala dabil mendian.  Artzain dabil mendian.

Kepa soldadu bezala joan zen Ameriketara. Kepa soldadu joan zen Ameriketara.

-Bota sarriegi erabiltzen dugu, esaldiak beste aditz bat eskatzen    duenean:

Siesta bota. Siesta egin.

Andregaia bota. Andregai hartu, andregai egin.

-Ere gaizki ipintzen dugu perpausetan. Ere galdegaiari lotu behar zaio.

Adibide hauekin ikusiko dugu esanahia aldatzen dela kokapenaren arabera:

Ama ere alabarekin etorri zen atzo.

Ama alabarekin ere etorri zen atzo.

Ama alabarekin etorri ere zen atzo.

Ama alabarekin etorri zen atzo ere.