MARTIA - UKATU, ESPLIKATU, AZALDU

MARTIA

Martia bajoaku eta apirila jatorku ate joka. Hona martiko esaera batzuk.

Eguzki eta euria, martiko eguraldia

Martiaren hogeita bostean Erromako zubitik dator kukua.

Martxoaren erdian gaua eta eguna berdin.

Ama Birjina martiko, negua joan eta uda betiko

Martxoko eguraldi, goizean eguzki eta arratsaldean euria

UKATU, ESPLIKATU, AZALDU aditzen erabilera desegokiak

“Explicar” eta “negarse” aditzak gaztelaniaz modu jakin batzuetan erabiltzen dira. Erabilera horietako batzuk euskarara “itzultzean”, kalkatzean, gutxienean aski bitxiak diren formak gertatzen dira (“me niego a ir” = “*ukatzen naiz joatera”; “me explico con claridad” = “*argi azaltzen naiz”).

Kalko larri horiek ahal den gutxien gerta daitezen, gaztelaniazko kasu bakoitzaren itzulpen doituena zein den aztertu behar da, erabilera baldarrenak bederen saihesteko.

Hori eskatu zenidan, bai, baina ni ukatu nintzen hori egitera.

Hori eskatu zenidan, bai, baina nik uko egin nion hori egiteari.

Ez dakit ongi esplikatu naizen.

Ez dakit ongi esplikatu dudan.

Zinegotziak fabore hori eskatuz gero, ezin zarete ukatu.

Zinegotziak fabore hori eskatuz gero, ezin diozue ezetz esan.

Ariketak egiteko, sakatu HEMEN eta HEMEN